لاہور کے حلقہ این اے 133 کے ضمنی انتخاب میں مسلم لیگ (ن) کی جیت کے باوجود پاکستان تحریک انصاف سے وابستہ پارلیمانی سیکرٹری برائے تجارت عالیہ حمزہ ملک نے ایک تنقیدی بیان جاری کیا۔

ٹوئٹر پر جاری اپنے پیغام میں مریم نواز اور شہباز شریف کو مخاطب کرتے ہوئے عالیہ حمزہ کا کہنا تھا کہ کیلبری باجی اور چاچو یہ شکر کا نہیں فکر کا مقام ہے۔

عالیہ حمزہ نے کہا کہ ‏ن لیگ کو ‎جنرل الیکشن کے تین سال بعد 42 ہزار 867 ووٹ کم پڑے، پیسے کی بے دریغ تقسیم اور پی ٹی آئی کو الیکشن سے آؤٹ کرانے کے باوجود ‏‎‎شیر پیچھے کی طرف بھاگ رہا ہے۔

عالیہ حمزہ نے مزید لکھا کہ خوشی ہے 43 ہزار بریانی خور راہ راست پر آگئے ہیں۔