پاکستان سپر لیگ(پی ایس ایل) سیزن سیون سے قبل پشاور زلمی کی سر گرمیاں جاری ہیں۔

تفصیلات کے مطابق پاکستان سپر لیگ سیزن سیون سے قبل  پی ایس ایل فرنچائز پشاور کی جانب سے سے سرگرمیوں کا سلسلہ جاری ہے خیبر پختونخوا کے بعد آزاد کشمیر میں بھی پشاور زلمی کی جانب سے نئے ٹیلنٹ کی تلاش کے لیے ٹرائلز کا انعقاد کیا گیا۔

مظفرآباد کرکٹ اسٹیڈیم میں پشاور زلمی کے ڈائریکٹر کرکٹ اور کوچ محمد اکرم نے نوجوان کھلاڑیوں کے ٹرائلز لیے۔

 اس سے قبل پشاور زلمی صوابی جمرود اور پشاور میں بھی ٹرائلز کا انعقاد کر چکی ہے۔

 پاکستان سپر لیگ سیزن سیون سے پہلے پشاورزلمی ایمرجنگ کیٹیگری کے لیے نئے ٹیلنٹ کی تلاش کر رہی ہے اور ساتھ ہی مستقبل کے لئے نوجوان کھلاڑیوں کا ڈیٹا بیس بھی تیار کیا جا رہا ہے ہے۔

واضح رہے کہ  چھ دسمبر کو میر پور میں ٹرائلز کا انعقاد کیا جائیگا۔