قائد حزب اختلاف سندھ اسمبلی حلیم عادل شیخ نے کہا ہے کہ سندھ میں بچے اور بچیاں درندوں سے محفوظ نہیں۔

حلیم عادل شیخ نے عمر کوٹ میں 8 سالہ بچی سے زیادتی کے واقعے پر اظہارِ افسوس کیا، ملزمان نے زیادتی کے بعد بچی کو تالاب میں پہینک دیا تھا۔

اپوزیشن لیڈر نے افسوسناک واقعے کا تاحال مقدمہ درج نہ ہونے پر اظہارِ مذمت کیا، ان کا کہنا تھا کہ سندھ میں بچے اور بچیاں درندوں سے محفوظ نہیں، پی پی وہ جماعت ہے جس نے زیادتی کے مجرموں کو سزا کے بل کی مخالفت کی۔

انہوں نے کہا کہ سندھ میں وحشی درندوں کو پولیس شیلٹر حاصل ہے، گزشتہ دن سیہون میں پولیس افسر نے بچے کو زیادتی کا نشانہ بنایا، پولیس اپنی ڈیوٹی کرنے کی بجائے جرائم پیشہ افراد کی غلامی میں مصروف ہے۔

قائد حزب اختلاف سندھ اسمبلی حلیم عادل شیخ نے متاثرہ خاندان سے ہمدردی کا اظہار کیا اور انصاف کی یقین دہانی بھی کروائی۔