کراچی اور کوئٹہ سے آنے والی مسافر ٹرینوں کا شیڈول دھند کی وجہ سے متاثر ہوگیا ہے۔

تفصیلات کے مطابق کراچی لاہور کے درمیان چلنے والی 43up شاہ حسین ایکسپریس 6 گھنٹے تاخیر کا شکار جبکہ کراچی، پشاور براستہ فیصل آباد چلنے والی 47up رحمان بابا ایکسپریس 4 گھنٹے 45 منٹ تاخیر کا شکار ہے۔

 ترجمان پاکستان ریلوے کا کہنا ہے کہ کراچی لاہور کے درمیان چلنے والی33up پاک بزنس ایکسپریس اور15up  کراچی ایکسپریس 4 گھنٹے تاخیر کا شکار ہے۔

ترجمان ریلوے کے مطابق کراچی اور راولپنڈی کے درمیان چلنے والی7up تیز گام 2 گھنٹے 45 منٹ کا شکار جبکہ کراچی اور لاہور کے درمیان چلنے والی 13up عوام ایکسپریس 2 گھنٹے تاخیر کا شکار ہے۔

اس کے علاوہ کراچی، لاہور براستہ فیصل آباد کے درمیان چلنے والی41up قراقرم ایکسپریس 2گھنٹے تاخیر کا شکار ہے اور کراچی براستہ فیصل آباد راولپنڈی کے درمیان چلنے والی45up پاکستان ایکسپریس 2گھنٹےتاخیر کا شکار ہے۔

ترجمان ریلوے نے بتایا کہ کوئٹہ اور پشاور کے درمیان چلنے والی 39 جعفر ایکسپریس 1 گھنٹے 45 منٹ تاخیر کا شکار جبکہ لاہور اور کراچی کے درمیان چلنے والی 5upگرین لائن ایکسپریس 1 گھنٹہ تاخیر کا شکار ہے۔

خیال رہے کہ کراچی اور راولپنڈی براستہ فیصل آباد چلنے والی 17up ملت ایکسپریس اور 35up سرسید ایکسپریس 1 گھنٹہ تاخیر کا شکار ہے۔

واضح رہے کہ دھند کی وجہ سے گاڑیاں مزید لیٹ ہو سکتی ہیں۔