حیدرآباد میں ڈیری مالکان کی جانب سے مہنگائی کے ستائےعوام پرایک اور بوجھ ڈال دیا گیا، دودھ کی قیمت میں 10 روپے فی لیٹر اضافہ کردیا گیا ہے جبکہ ڈیرئ فارمرز من مانی قیمتوں پر دودھ فروخت کر رہے ہیں۔

تفصیلات کے مطابق دودھ کی قیمت 120 روپےسے بڑھا کر 130 روپے کردی گئی ہے، قیمت میں اضافے پرعوام نے سخت پریشانی کا اظہار کیا ہے، دودھ کی سرکاری قیمت 100 روپے ہے اور 120 کا فروخت کیا جاررہا تھا۔

ریٹیلرز ملک ایسوسی ایشن رہنما ناصر گوری کا کہنا ہے کہ چارہ مہنگا ہونے کے باعث باڑہ مالکان نے دودھ کی قیمتمیں اضافی کیا ہے، باڑہ مالکان ہمیں دودھ فی لیٹر 120 روپے دے رہے ہیں، دوسری جانب ضلعی انتظامیہ نے دودھ کی غیرقانونی قیمت میں اضافے پر خاموشی اختیار کرلی ہے۔