جمعیت علما اسلام (ف) کے سربراہ مولانا فضل الرحمان نے کہا ہے کہ بلدیاتی انتخابات نے ثابت کردیا پچھلے الیکشن میں دھاندلی ہوئی۔

کوئٹہ میں میڈیا سے گفتگو کرتے ہوئے مولانا فضل الرحمان نے کہا کہ وقت نے ثابت کردیا گزشتہ انتخابات میں دھاندلی ہوئی تھی، جے یو آئی پہلے بھی خیبرپختون خوا کی سب سے بڑی سیاسی قوت تھی اب بھی ہے۔

 مولانا فضل الرحمان نے کہا کہ خیبر پختون خوا نے اشارہ دے دیا طلوع سحرہوگا، کے پی کی عوام نے پیغام دیدیا یہ جعلی حکومت تھی اور ہے۔

انہوں نے کہا کہ جمیعت علمائے اسلام کے خلاف کوئی کرپشن ثابت نہیں ہوئی، کرپشن کی صرف باتیں کی گئیں، سیاستدانوں کو بدنام کرنے کا سلسلہ اب ختم ہونا چاہئے جب کہ پاکستان عمران خان سے بہتر چلانا جانتے ہیں۔

افغانستان کے حوالے سے جے یو آئی (ف) کے سربراہ نے کہا کہ نے افغانستان کا سیاسی طور پر حل چاہتے ہیں، جب امریکا آج طالبان سے مذاکرات پر آمادہ ہو گیا تو ہم پر کیوں اعتراض ہے۔