نیول چیف ایڈمرل امجد خان نیازی نے کہا کہ 50 سال پہلے آبدوزہنگورنے بھارتی جہازکُکری کوسمندربرد کیا۔

 ہنگور ڈے کی گولڈن جوبلی کےحوالے سے تقریب کا انعقاد ہوا جس میں نیول چیف ایڈمرل امجد خان نیازی نے خطاب کرتے ہوئے کہا کہ آبدوزہنگور نےکرپان کومفلوج کرکےتارخ رقم کی تھی۔

انہوں نے کہا کہ جنگ عظیم دوئم کے بعد آبدوزسے بحری جہاز تباہ کرنےکا پہلا واقعہ تھا ، نہ ہم یہ دن بھولے ہیں اور نہ ہی ہمارا دشمن بھول سکتا ہے۔

نیول چیف ایڈمرل امجد خان نیازی نے کہا کہ واقعہ حربی تکنیکی مہارت کی بہترین مثال ہے ، یہ دن ہمیں ہنگورکےعملےکی بہادری،استقامت اورجذبےکی یاد دلاتا ہے۔