پاکستان شوبز انڈسٹری کی نامور اداکارہ غنا علی کی بیٹی کے عقیقے کی تصاویر سوشل میڈیا پر وائرل ہو گئی۔

اداکارہ غنا علی نے اپنی بیٹی کا نام ’فائجہ عمیر‘ ہے جس کے عقیقے کی تصویر اداکارہ نے انسٹاگرام پر پوسٹ کی ہیں۔

یاد رہے کہ اداکارہ غنا علی نے فوٹو ایند ویڈیو شئیرنگ ایپ انسٹاگرام پر مداحوں کو بیٹی کی پیدائش کی اطلاع دی۔

انسٹاگرام پر اداکارہ غنا کی جانب سے پوسٹ کی جانے والی تصویر کو ایموجی سے چھپایا ہوا تھا۔

اداکارہ غنا علی نے تصویر شیئر کرتے ہوئے کیپشن میں لکھا تھا کہ جس لمحے بچے کی پیدائش ہوتی ہے اسی لمحے ماں بھی پیدا ہوتی ہے۔

انہوں نے لکھا تھا کہ ہماری لیے خوشی کا لمحہ آخرکار آہی گیا، یہ ہم دونوں کے لیے بہترین لمحہ ہے، بیٹی ایک بہترین تحفہ ہے جس کی نعمت سے ہمیں نوازا گیا ہے۔

واضح رہے کہ غنا علی نے رواں برس 17 مئی کو شادی کی تھی، جس کے چار ماہ بعد 27 ستمبر کو اداکارہ نے سوشل میڈیا پوسٹس کے ذریعے تصدیق کی تھی کہ وہ امید سے ہیں۔