سیالکوٹ تھانہ صدر کے علاقہ پسرور روڈ پر زمین بوس گیس لائنوں میں لگنے والی آگ سڑک کے اوپر نکل آئی۔

تفصیلات کے مطابق زمین کے نیچے بچھی ہوئی گیس پائپ لائن میں لیکیج کے باعث ان میں آگ بھڑک اٹھی جو شدت کی وجہ سے سڑک سے باہر آگئی ، آگ کی اطلاع ملتے ہی ریسکیو کی فائر وہیکل موقع پر پہنچ گئی ۔

ریسکیو کی ٹیمیں آگ بجھانے کی سرتوڑ کوشش کرتی رہیں تاہم فائر وہیکل کا پانی ختم ہو گیا پھر بھی آگ کو بجھایا نہ جا سکا۔

اہل محلہ کا کہنا ہے کہ محکمہ گیس کو لیکج کی بار بار اطلاع کرنے کے باوجود بھی انہوں نے ہٹ دھرمی کا مظاہرہ کیا اور اب تک وہاں نہیں پہنچے۔

ان کا کہنا ہے کہ محکمہ گیس کے افسران نے نہ ہی پہلے اس کا سدباب کیا اور نہ آج آگ لگنے پرکسی کے کان پر جوں رینگی ، آگ بڑھ رہی ہے لیکن ابھی تک پائپ لائنوں میں گیس کو بند نہیں کیا گیا۔