فیصل سلطان نے کہا ہے کہ اومیکرون کتنا خطرناک ہے ، وقت کے ساتھ پتہ چلے گا۔

معاون خصوصی صحت فیصل سلطان نے میڈیا سے گفتگو کرتے ہوئے کہا ہے کہ اومیکرون روکنے کیلئے احتیاطی تدابیر ضروری ہیں۔

انہوں نے کہا کہ اومیکرون میں پہلے کورونا اقسام کی ہی علامات ہیں ، اومیکرون سے شرح اموات کتنی ہیں ، ابھی کچھ نہیں کہا جا سکتا۔

فیصل سلطان نے کہا ہے کہ اومیکرون کی تشخیص کے لیے ہر جگہ سے نمونے حاصل کر رہے ہیں۔

واضح رہے کہ اسلام آباد میں اومیکرون کیسز کا پھیلاؤ بڑھنے لگا ہے ، اومیکرون کے مزید 3 کیسز رپورٹ ہوئے ہیں۔

ڈسٹرکٹ ہیلتھ آفسر (ڈی ایچ او) زعیم ضیاء کا کہنا تھا کہ وفاق میں اومیکرون کے کیسز کی تعداد 20 ہو گئی ہے، اومیکرون کے مریضوں کے ساتھ ملنے اور رہنے والوں کی ٹریسنگ جاری ہے۔

    ان کا کہنا تھا کہ اسلام آباد میں اومیکرون کے پہلے کیس کی تصدیق 25 دسمبر کو ہوئی تھی، ضلعی محکمہ صحت کی ٹمیں متحرک ہیں، شہری جلد از جلد ویکسینیشن کروائیں۔