پاکستان کرکٹ ٹیم کے سابق کپتان انضمام الحق نے  کہا ہے کہ ٹی ٹوئنٹی کے بعد پہلے ٹیسٹ میں بھی پاکستان ٹیم نے اچھے کھیل کا مظاہرہ کیا، ویسٹ انڈیز کے خلاف ہوم سیریز میں نئے کھلاڑیوں کو موقع ملنا چاہیے۔

تفصیلات کے مطابق قومی کرکٹ ٹیم کے سابق کپتان انضمام الحق نے میڈیا سے گفتگو کرتے ہوئے کہا کہ سینئر کھلاڑی ویسٹ انڈیز سیریز میں شامل نہیں تو اس میں کوئی حرج نہیں۔

انہوں نے کہا کہ کھلاڑیوں کو بیک ٹو بیک کرکٹ سیریز کے بعد آرام کا موقع ملنا چاہیے۔

سابق کپتان کا کہنا تھا کہ بنگلادیش میں قومی ٹیم کی کارکردگی بہت اچھی رہی، حسن علی، شاہین آفریدی اور عابد علی نے بہت اچھا پرفارم کیا۔

انضمام الحق نے  مزید کہا کہ ٹیسٹ میچ کے علاوہ قومی ٹیم کی ٹی ٹوئنٹی میں بھی اچھی پرفارمنس رہی۔