سراج الحق نے کہا ہے کہ تسبیح ہاتھ میں رکھنے سے اسلامی ریاست نہیں بن سکتی۔

امیر جماعت اسلامی سراج الحق نے کراچی میں ایم اے جناح روڈ پر کراچی بچاؤ مارچ سے خطاب کرتے ہوئے کہا کہ آج شہر قائد اپنا حق مانگ رہا ہے، ہم اس شہرکی تقدیرکوبدل سکتے ہیں۔

انہوں نے کہا کہ پیپلزپارٹی مسلسل سندھ میں حکمران رہی ہے، اس نے سندھ کو تباہ کردیا ہے، اندرون سندھ اسپتال تباہ اور اسکول برباد ہوگئے ہیں۔

سراج الحق کا کہنا تھا کہ آج اندرون سندھ کے دیہاتوں میں بھی غربت ناچ رہی ہے، سندھ کے عوام کو کچھ نہیں ملا، حکمرانوں کی جائیدادوں میں اضافہ ہوا۔

امیر جماعت اسلامی نے کہا کہ بلدیاتی ترمیمی بل میں تمام اختیارات وزیراعلیٰ کے سپرد کر دیے گئے ہیں، شہر میں کسی بھی شعبے پر میئر کا اختیار نہیں تو میئر کا کام کیا جھاڑو دینا ہے؟ ایسا میئر نہیں چاہیے۔

ان کا کہنا تھا کہ بلدیاتی نِظام بلڈوز کیا ہے، جماعت اسلامی بلدیاتی نِظام کےخلاف نہیں بلدیاتی نظام کومظبوط کرناچہاہتی ہے۔ ہم چہاہتے ہیں پاکستان سب کے لیے ہوں اور یہ نظام صرف جماعت اسلامی دے سکتی ہے

 سراج الحق کا کہنا تھا کہ وزیراعظم تسبیح ہاتھ میں رکھتا ہے مگر تسبیح ہاتھ میں رکھنے اور پڑھنے سے اسلامی ریاست نہیں بن سکتی۔

امیر جماعت اسلامی سراج الحق کا مزید کہنا تھا کہ ہمیں مغرب کی طرف دیکھنےکی ضرورت نہیں، اسلامی نظام ترقی کی ضمانت ہے۔