صوبائی وزیر صنعت و تجارت میاں اسلم اقبال کا نے قائد اعظم بزنس پارک شیخوپورہ کا دورہ کیا ہے۔

تفصیلات کے مطابق میاں اسلم اقبال نے قائداعظم بزنس پارک، سنٹروے بزنس اسکوائر اور موٹر وے انٹر چینج کے ترقیاتی کاموں کا جائزہ لیا۔

سیکرٹری صنعت و تجارت ڈاکٹر واصف خورشید بھی ان کے ہمراہ تھے۔

صوبائی وزیر نے  قائداعظم بزنس پارک کے ترقیاتی کام تیزی رفتاری مکمل کر نے ہدایت دی۔

ان کا کہنا تھا کہ سنٹروے بزنس اسکوائر کو مقررہ مدت میں مکمل کیا جائے،ترقیاتی منصوبوں کی تکمیل میں تاخیر کسی صورت برداشت نہیں کی جائے گی۔

صوبائی وزیر صنعت و تجارت کا کہنا تھا کہ قائداعظم بزنس پارک سے علاقے میں صنعتی و معاشی سرگرمیوں میں تیزی آئے گی،صنعتی مراکز میں عالمی معیار کے انفراسٹرکچر کی فراہمی سے سرمایہ کار پنجاب کو ترجیحی دے رہے ہیں۔

میاں اسلم اقبال کا کہنا تھا کہ اربوں روپے کی نئی سرمایہ کاری حکومت کی سرمایہ کار دوست پالیسیوں کی مرہون منت ہے۔

صوبائی وزیر صنعت و تجارت میاں اسلم اقبال  کا مزید کہنا تھا کہ حکومت نے خصوصی اقتصادی زونز کو سرمایہ کاروں کی پہلی ترجیح بنایا ہے۔