ترجمان پیپلز پارٹی پارلیمنٹیرینز شازیہ مری نے کہا ہے کہ عمران خان ایک ٹھوکر کی مار ہیں۔

شازیہ مری نے اپنے جاری کردہ ایک بیان میں کہا کہ صدر آصف علی زرداری نے پرویز مشرف کو مکھی کی طرح اقتدار سے نکالا، عمران خان ایک ٹھوکر کی مار ہیں۔

ان کا کہنا تھا کہ فواد چوہدری اور شہباز گل کی حیثیت بنی گالا کے شیرو سے بھی کم ہے، پی ٹی آئی ختم ہو چکی عمران خان کا اقتدار ڈوب رہا ہے، پی ٹی آئی حکومت نے ترجمان کےنام پر جوکر پالے ہیں۔

شازیہ مری نے کہا کہ قائدِ اعظم یونیورسٹی سے ہراسمنٹ کرنے کی وجہ سے نکالا گیا شخص پی ٹی آئی کا ماما بنا ہوا ہے، پی ٹی آئی ہر بائی الیکشن ہارنے کے بعد اب کے پی کے بلدیاتی الیکشن بھی ہار گئی۔

ترجمان پیپلز پارٹی پارلیمنٹیرینز شازیہ مری کا مزید کہنا تھا کہ حکومتی ترجمان خوفناک شکست کے بعد اپنا دماغی توازن بھی کھو بیٹھے ہیں۔