امریکی صدر جو بائیڈن اور روسی صدر ولادیمیر پوتن کل منگل سات دسمبر کو ویڈیو کال پر براہ راست بات چیت کریں گے۔

کریملن کے مطابق، دونوں رہنما یوکرین کی کشیدہ صورتحال پر بات چیت کے لیے تیار ہیں، اور بات چیت کا دورانیہ طویل ہوگا۔

اس بات چیت کے دوران روس اورامریکی صدر کے درمیان افغانستان، یوکرین ، کے مسائل کے علاوہ دیگر موضوعات میں اسٹریٹجک استحکام، سائبر اور علاقائی اموربھی شامل ہیں۔

 دوسری جانب ماسکو حکومت کا کہنا ہے کہ ویڈیو کال کے دوران دوطرفہ تعلقات اور جون میں جنیوا سربراہی اجلاس میں طے ہونے والے معاہدوں پر عملدرآمد کے بارے میں بھی بات کی جائے گی۔