مولانا طاہر اشرفی کا کہنا ہےکہ نیشنل ایکشن پلان پر نظر ثانی ہو رہی ہے۔

نمائندہ خصوصی برائے مذہبی ہم آہنگی اور مشرق وسطی مولانا طاہر اشرفی نے مسیحی مذہبی رہنماؤں کے ہمراہ پریس کانفرنس کرتے ہوئے کہاکہ جو آئین پاکستان کے تحت زندگی گزارتا ہے اسے کوئی پریشانی نہیں۔

انہوں نے کہاکہ آج کا دن قوم کو یکجا ہو کر آگے بڑھنے کا دن ہے،اس حکومت میں اقلیتوں کو حقوق ملے، آج سیالکوٹ جاؤں گا، چرچ میں بین المذاہب ہم آہنگی تقریب ہے

مولانا طاہر اشرفی نے کہا کہ گزشتہ حکومت میں نیشنل ایکشن پلان صرف مساجد کے اسپیکر اتارتے تک تھا، قومی مسائل اور دہشت گردی کا حل قومی نیشنل ایکشن پلان میں ہے، کام جاری ہے نیشنل ایکشن پلان پر بڑی تبدیلی ہوگی، وزیر اعظم سے اس حوالے سے ایک میٹنگ کرچکے ہیں۔

یہ بھی پڑھیں: ریاست کا کردار طاقت کے ذریعے فساد اورانتشار کو روکنا ہے، طاہر اشرفی

نمائندہ خصوصی برائے مذہبی ہم آہنگی نے کہاکہ آج کے دن اے پی ایس کا سانحہ ہوا، ہم اس عزم کے ساتھ آغاز کر رہے ہیں کہ پاکستان سب کا ہے، آج کے دن ہم پاکستان کے دفاع ترقی کا مل کر عزم کرتے ہیں، جس طرح قوم سانحہ اے پی ایس پر متحد ہوئی ایسے ہی سانحہ سیالکوٹ پر قومی اتحاد کا مظاہرہ کیا گیا۔

انہوں نے مزید بتایاکہ ہمارے پاس توہین مذہب کی 137 شکایات آئیں، اگر کوئی توہین کرتا ہے، عدالت جائیں، پولیس کے پاس جائیں، قانون موجود ہے، کسی کو قانون کو ہاتھ میں لینے کی اجازت نہیں ہے۔