چین نے دعویٰ کیا ہے کہ اس کا خلائی اسٹیشن ایک سال میں 2 بار ایلون مسک کے سیٹلائٹس سے تصادم سے بال بال بچا ہے۔

چین نے اپنے خلائی اسٹیشن سے ایلون مسک کے سیٹلایٹ کے ٹکراؤ کے خطرات کی شکایت اقوام متحدہ سے کی ہے، جس کے بعد ایلون مسک کو عالمی سطح پر شدید تنقید کا سامنا ہے۔

اقوام متحدہ کی خلائی ایجنسی کو کی گئی شکایت میں چین نے کہا ہے کہ 2021 میں 2 مرتبہ یکم جولائی اور 21 اکتوبر کو اس کا خلائی اسٹیشن ایلون مسک کی کمپنی اسیپس ایکس کی جانب سے بھیجے گئے اسٹار لنک سیٹلائٹ سے تصادم سے بال بال بچا ہے۔

مزید پڑھیے: یورپی خلائی ادارے کے سربراہ کی ایلون مسک کے خلاف درخواست

چین نے کہا ہے کہ اسے تصادم سے بچنے کے لیے خلائی اسٹیشن کے رخ میں ہنگامی بنیادوں پر تبدیلی کرنا پڑی۔

ایلون مسک کا اسپیس ایکس پروگرام  

ایلون مسک کو دنیا کا امیر ترین انسان کہا جاتا ہے۔

الیکٹرک کاریں بنانے والی سب سے مشہور کمپنی ٹیسلا ایلون مسک کی ملکیت ہے۔

مزید پڑھیے: ایلون مسک نے ’سائبر ٹرک‘ کے فیچرز بتا دیے

ایلون مسک اسپیس ایکس نامی ایک کمپنی کے بھی مالک ہیں۔

اسپیس ایکس خلا میں بھیجے جانے والے مصنوعی سیارے، راکٹ اور خلائی جہاز بناتی ہے، اس کمپنی نے کئی مصنوعی سیارے بھی خلا میں بھیجے ہیں۔