وزیر مملکت برائے پارلیمانی امور علی محمد خان نے کہا کہ جماعت اسلامی کرپشن کے خلاف ہے لیکن زرداری کے ساتھ بیٹھی ہے۔

انہوں نے اسلام آباد میں تقریب سے خطاب کرتے ہوئے کہا کہ آصف زرداری نوڈیرو میں ہی بیٹھے رہیں گے، سندھ بھی ان کے ہاتھ سے نکل جائے گا۔

علی محمد خان نے کہا کہ جماعت اسلامی کرپشن کے خلاف ہے لیکن زرداری کے ساتھ بیٹھی ہے۔

انکا کہنا ہے کہ جماعت اسلامی کو عمران خان کے ساتھ بیٹھنا چاہیے لیکن زرداری کے ساتھ بیٹھی ہے، عمران خان کو سپریم کورٹ نے صادق وامین قرار دیا۔

وزیر مملکت نے کہا کہ ضروری نہیں ایکسپورٹ بڑھنے سے تجارتی خسارہ کم ہو، آئندہ 3 سے 4 ماہ میں مہنگائی میں کمی آئے گی، مہنگائی ہے حکومت اس سے انکاری نہیں۔

علی محمد خان نے مزید کہا کہ پاکستان میں پہلی بار کسان کو فصل کی اچھی قیمت ملی، عام آدمی کو گھی، آٹے میں سبسڈی دے رہے ہیں، افراط زر کا دباؤ عالمی رجحان ہے۔