پاکستان شوبز انڈسٹری کی اداکارہ نے ناقدین کو کرارا جواب دے دیا۔

گزشتہ دنوں اداکارہ زرنش خان نے نے شادی کے متعلق اپنی رائے اور اپنے خیالات کا اظہار کیا تھا جس کی وجہ سے انہیں اب سوشل میڈیا پر تنقید کا سامنا کرنا پڑ رہا ہے۔

 یاد رہے کہ حال ہی میں اپنے ایک بیان میں اداکارہ نے جلدی شادی کرنے کے حق میں بات کی تھی۔

 اداکارہ زرنش خان نے اپنے بیان میں کہا تھا کہ میری شادی 17 سال کی عمر میں ہوئی تھی اور میں چاہتی ہوں کہ والدین اپنے بچوں کی شادیاں کرنے میں تاخیر نا کریں۔

تاہم سوشل میڈیا پر تنقید کرنے والوں کے لیے اداکارہ نے ویڈیو پیغام جاری کیا ہے جس میں انہوں نے کہا میں سمجھتی ہو کے جلدی شادی کر کے آپ جلدی ماحول میں ڈھل جاتے ہیں اور یہ میں سمجھتی ہو اس ہی طرح ہر انسان کو اپنی مرضی سے فیصلا کرنے کا پورا اختیار ہے۔

جلدی شادی کرنے کے متعلق بات کرتے ہوئے اداکارہ نے کہا تھا کہ چھوٹی عمر میں شادی کرنے سے نئے رشتوں کو سمجھنے اور قبول کرنے میں بہت آسانی ہوجاتی ہے۔

اداکارہ زرنش نے اپنے شوہر کی حوصلہ افزائی سے  شوبز کی دنیا میں قدم رکھا اور اب ایک مقبول اداکارہ کے طور پر اپنا لوہا منوا چکی ہیں۔

واضح رہے کہ اداکارہ زرنش خان کی سترہ سال کی عمر میں شادی ہو گئی تھی اور وہ پاکستان سے دبئی منتقل ہو گئی تھیں۔