اپوزیشن لیڈر سندھ اسمبلی حلیم عادل شیخ نے وزیر داخلہ شیخ رشید کو خط لکھا ہے۔

تفصیلات کے مطابق حلیم عادل شیخ نے خط میں وفاقی وزیر داخلہ شیخ رشید سے جے آئی ٹی بنانے کا مطالبہ کیا۔

حلیم عادل شیخ نے اپنے خط میں لکھا کہ پولیس افسر ڈاکٹر رضوان کی جرائم پیشہ افراد سے متعلق رپورٹ پر جے آئی ٹی بنائی جائے۔

انہوں نے لکھا کہ ڈاکٹررضوان نے رپورٹ میں بااثرشخصیات اور سعید غنی کے کزن سے متعلق انکشافات کئے، رپورٹ میں چنیسر گوٹھ، محمود آباد میں منشیات فروشی کا معاملہ اٹھایا۔

خط میں حلیم عادل شیخ نے لکھا کہ مذکورہ رپورٹ کو حکومت سندھ کے اعلیٰ حکام نے التواء میں رکھا ہوا ہے۔