امریکی ادویہ ساز ادارے فائزر نے کووڈ-19 کے خلاف جنگ کےلیے 520 ملین یورو کی سرمایہ کاری کرنے کا اعلان کردیا ہے۔

غیر ملکی خبر رساں ادارے کے مطابق فائزر کے چیف ایگزیکٹو البرٹ بورلا نے مقامی ٹی وی چینل کو دیے گئے انٹرویو میں کہا ہے کہ ہم عالمگیر وبا کورونا سے نمٹنے کے لیے فرانس میں 520ملین یورو( 593.7 ملین ڈالر) کی سرمایہ کاری کریں گے۔

 یہ بھی پڑھیں:  ٹیبلٹ کی شکل میں کورونا کی پہلی دوا کی منظوری

ان کا کہنا تھا کہ سرمایہ کاری کا یہ منصوبہ 5 سال پر مشتمل ہوگا، جس کے تحت فائزر فرانسیسی فارما سیوٹیکل کمپنی نوواسیپ کے ساتھ شراکت داری میں کورونا کے علاج میں استعمال ہونے والی گولیاںپیکس لووڈ تیار کرے گی۔

 واضح رہے کہ فائزر کمپنی نے سب سے پہلے کورونا کے علاج کے لیے بہ ذریعہ دہن دی جانے والی گولیاں تیار کی تھی۔ گزشتہ ماہ ہی ایف ڈی اے (فیڈرل ڈرگ ایڈمنسٹریشن)  نے کورونا کے علاج میں ان گولیوں کو استعمال کرنے کی منظوری دی تھی۔

 یہ بھی پڑھیں: امریکی صدر کا فائزر کی تھیراپی گولیوں کی خریداری دگنی کرنے کا اعلان

اس بابت ایف ڈی اے کا کہنا تھا کہ ہمیں امید ہے کہ ٹیبلٹ کی شکل میں بننے والی یہ دوا عالمی سطح پر کورونا کے لیے موثر ثابت ہوگی۔

 پیکس لووڈ ٹیبلٹ  کے نام سے بننے والی اس دوا کی خوراک 2 گولیوں پر مشتمل ہے،12 جو سال کے بچوں سے لے کر بڑی عمر کے افراد کے لیے معمولی اور معتدل نوعیت کے کورونا کے لیے کار آمد ہوگی اور کورونا ٹیسٹ مثبت آنے کی صورت میں ہی دی جاسکے گی۔

پیکس لووڈ کو صرف ڈاکٹروں کے نسخے تجویز کیا جاسکے گا اور کووڈ -19 مثبت آنے کے 5 دن کے اندر اس کی خوراک دینا ضروری ہوگا۔