ملک کے بیشتر شہروں میں آج موسم شدید سرد اورخشک رہے گا۔

محکمہ موسمیات کے مطابق آج اسلام آباد سمیت پنجاب کے بیشتر اضلاع میں موسم سرد اور خشک رہنے کا امکان ہے۔

تازہ ترین اپڈیٹ کے مطابق خیبرپختونخواہ کے بیشتراضلاع میں بھی موسم  شدید سرد اور خشک رہے گا تاہم پشاور ، چارسدہ ، نوشہرہ ،صوابی اور گردونواح میں رات اور صبح کے اوقات میں دھند چھائے رہنےکا امکان ہے۔

اسکے علاوہ سندھ کے بیشتر اضلاع  میں موسم خشک اور سرد رہے گا البتہ سکھر،لاڑکانہ اورجیکب آباد میں رات اور صبح کے اوقات میں دھند کی توقع ہے۔

بلوچستان کی بات کی جائے تو وہاں کے بھی  بیشتر اضلا ع میں موسم سرد اورخشک جبکہ شمالی بلوچستان میں شدید سرد رہے گا۔

واضح رہے کہ آج ریکارڈ کیے گئے کم ازکم درجہ حرارت میں لہہ منفی 13، کالام منفی 10،زیارت ،قلات منفی 09، گوپس، استور منفی 08،پاراچنار ،اسکردو منفی 07 ڈگری سینٹی گریڈ کیا گیا ہے۔

اسکے علاوہ  مالم جبہ منفی 06، کوئٹہ ،بگروٹ منفی 05، ژوب منفی 04،ہنزہ منفی 03، پلوامہ، شوپیاں،بارہ مولہ ،چترال،دروش،دالبندین  منفی 02،دیر، اننت ناگ ،نوکنڈی، چراٹ ،راولاکوٹ اور مری میں منفی 01ڈگری سینٹی گریڈ ریکارڈ کیا گیا ہے۔

دوسری جانب شہر قائد میں سردی کی لہر تاحال برقرار ہے جس کے بعد پارہ 10 ڈگری تک پہنچ گیا ہے۔

محکمہ موسمیات کے مطابق شہر کا اس وقت موجودہ درجہ حرارت 10 ڈگری سینٹی گریڈ ریکارڈ کیا گیا جبکہ آج زیادہ سے زیادہ درجہ حرارت 22 ڈگری سینٹی گریڈ تک جانے کا امکان ہے۔

  شہر میں اس وقت 10کلو میٹر فی گھنٹہ کی رفتار سے شمال مشرقی ہوا چل رہی ہیں آج مطلع صاف رہے گا البتہ بارش کا کوئی امکان نہیں ہے۔

خیال رہے کہ محکمہ موسمیات نے بتایا تھا کہ 27 جنوری تک شہر قائد سردی کی نئی لہر کی لپیٹ میں رہ سکتا ہے، تاہم اس دوران بارش کا کوئی امکان نہیں ہے۔