ٹک ٹاک کی معروف جوڑی کنول آفتاب اور ذوالقرنین سکندر گزشتہ روز سے اپنی شادی کی خوبصورت تصاویر اور ویڈیوز اپنے سوشل میڈیا اکاؤنٹس پر شیئر کر رہے ہیں۔

ٹک ٹاکر کنول آفتاب اور  ذوالقرنین سکندر کی شادی میں گورنر پنجاب چوہدری محمد سرور نے بھی شرکت کی جس کی تصویر کنول نے انسٹاگرام پر پوسٹ کی ہے۔

تصویر میں دیکھا جاسکتا ہے کہ چوہدری محمد سرور ٹک ٹاکر کنول آفتاب کو اُن کی شادی کا تحفہ دے رہے ہیں۔

یاد رہے کہ لاہور سے تعلق رکھنے والی کنول آفتاب ناصرف ایک ٹک ٹاک اسٹار ہیں بلکہ وہ گزشتہ کچھ سالوں سے ایک نجی ویب چینل پر میزبانی کے فرائض بھی سرانجام دے رہی ہیں۔

واضح رہے کہ اس جوڑی کا گزشتہ سال، اپریل کے آغاز میں دھوم دھام سے نکاح ہوا تھا۔