پیپلز پارٹی کے رہنما شرجیل انعام میمن نے کہا ہے کہ عمران خان صادق و امین کا جھوٹا ماسک اتار چکے ہیں ان کا برانڈ منافقت اور جھوٹ کا برانڈ ہے۔

شرجیل انعام میمن نے میڈیا سے گفتگو کرتے ہوئے کہا کہ کپتان کی چوری پکڑی گئی ہے، عمران خان صادق و امین کا جھوٹا ماسک اتار چکے ہیں، عمران خان کا برانڈ منافقت اور جھوٹ کا برانڈ ہے۔

شرجیل انعام میمن نے کہا کہ یہ عوام کو بیوقوف بنا رہے ہیں عوام کو ان کی نااہلی کا پتہ چل گیا ہے۔

پیپلز پارٹی کے رہنما نے کہا کہ یوریا کا مصنوعی بحران حل نہ ہوا تو غذائی قلت پیدا ہوجائے گی، ملکی معیشت کا بیڑا غرق ہوچکا عوام بدعائیں دے رہے ہیں۔

شرجیل انعام میمن نے کہا کہ آصف زرداری نے کبھی ملک سے راہ فرار اختیار نہیں کی، ن لیگ کے لیڈر ہمیشہ ملک سے فرار ہوئے ہیں۔

انہوں نے کہا کہ ہمیں ہمارے اداروں پر ہمیشہ یقین رہا ہے، ہم چاہتے ہیں افہام و تفہیم سے کام ہوں کسی سیاسی جماعت سے لڑائی نہیں ہے۔

پیپلزپارٹی کے رہنما نے کہا کہ نوازشریف ڈیل کے تحت باہر گئے ان کے نظریات صرف جلسوں تک محدود ہیں۔

شرجیل انعام میمن نے کہا مراد علی شاہ دوسرے صوبوں میں موجود وزیراعلیٰ سے بہتر ہیں۔