ڈجیٹل دنیا میں آپ کے نمائیندہ خاکے یا پھر آپ کے قریبی خدوخال والے کارٹون دیکھے ہوں گے جنہیں اوتار کہا جاتا ہے۔ اب ٹک ٹاک نے اپنے پلیٹ فارم پر تبدیلی لاتے ہوئے ڈجیٹل ویڈیو اوتار متعارف کرانے پر کام شروع کردیا ہے۔ یہ آپ کے حقیقی وجود کو پیش کریں گے۔

اس کے علاوہ ٹاک ٹاک نے صرف آڈیو یعنی آواز پر لائیو اسٹریم پر بھی غور شروع کردیا ہے۔ اس ضمن میں اوتار ہوبہو آپ کی شکل جیسے اوتار بھی موجود ہوسکتے ہیں۔ تجزیہ نگاروں نے اس کی سن گن لیتے ہوئے ابتدائی تصاویر بھی شیئر کی ہیں۔ ایسے ہی ایک ماہرمیٹ نوارا کے مطابق ایک بڑے پینل سے آپ قریبی اوتار منتخب کرسکیں گے اور اسے ایڈٹ بھی کرسکیں گے۔

تاہم یہ ایپل کے میموجی جیسے دکھائی دیتے ہیں یا اس سے متاثر ہوکر بنائے گئے ہیں۔ یہ اوتار کیمرے کو دیکھتے ہوئے آپ کی آواز میں بات بھی کرسکیں گے۔ لیکن سب سے بڑھ کر یہ کہ شاید یہ میٹاورس کی جانب ایک قدم ہوسکتا ہے جس کا عملی ثبوت سب سے پہلے میٹا اور فیس بک نے پیش کیا ہے۔ اس کے بعد مزید کئی پلیٹ فارم نے بھی میٹاورس پر غور شروع کردیا ہے۔

دوسری جانب ٹک ٹاک نے اپنے پلیٹ فارم پر کلب ہاؤس کی طرز پر صرف آڈیو لائیو اسٹریم پر بھی کام شروع کردیا ہے۔ اسے ہم اسپیس کےنام سے ٹویٹر پر بھی دیکھ چکے ہیں