آوٹ آف دی باکس اور بولڈ اسٹائل کے لیے پہچانی جانے والی بھارتی اداکارہ عرفی جاوید نے اس بار بھی کچھ نیا آزمانے کی کوشش کی، لیکن اس بار ان کا وار الٹا پڑگیا اور انہیں شدید تنقید کا سامنا کرنا پڑا۔

حال ہی میں انہوں نے ایک اُلٹی شرٹ جس کے بٹن پیچھے اور کالر آگے تھا، پہنے ویڈیو اور تصاویر شیئر کیں، لیکن ان کا یہ انداز مداحوں کو بالکل بھی نہ بھایا۔

عرفی جاوید “بگ باس” کے گھر میں کچھ خاص تو نہیں کرسکیں، لیکن باہر آنے کے بعد سے اب تک مسلسل اپنے ڈریسنگ سینس کی وجہ سے سوشل میڈیا پر چھائی رہتی ہیں۔

حال ہی میں کئے گئے ان کے فوٹو شوٹ کے بعد لوگوں نے انہیں ٹرول کرنا شروع کردیا۔

عرفی نے بیک لیس اسٹائل میں پہنی شرٹ کا صرف ایک بٹن لگایا ۔ انہوں نے جیسے ہی یہ ویڈیو اور تصاویر شیئر کیں تو لوگوں نے طنز کرنا شروع کردیا۔

 سوشل میڈیا صارفین نے اس بار نہ صرف عرفی جاوید پر بھدے تبصرے کئے بلکہ ان کے والدین کو بھی نشانہ بنایا۔ لوگوں نے انہیں ’بے شرم‘ کہنے سے لے کر ان کے والدین کی تعلیمات پر سوال اٹھا دیئے۔

ایک صارف نے لکھا، ’بے شرم وومین ان دی ورلڈ‘۔

 تو دوسرے نے لکھا، ’لگتا ہے اس کے ماں باپ مرگئے ہیں یا اندھے ہوگئے ہیں، لڑکی کو بازارو بنا دیا۔ لعنت ہو ان پر۔‘

ایک اور صارف نے لکھا، ’برائے مہربانی ایک بار جینس بھی الٹا پہن کر دکھا دو‘۔

جبکہ ایک صارف لکھتے ہیں، ’زمین پر سب سے بے وقوف خاتون‘۔

عرفی جاوید پیلے رنگ کی شرٹ میں گھنگھریالے بالوں کے ساتھ خوبصورت پھول سے کھیلتی ہوئی نظر آرہی ہیں۔ حالانکہ سوشل میڈیا صارفین کو ان کا یہ انداز بالکل راس نہیں آرہا ہے۔