پاکستان کی معروف اداکارہ سجل  علی  اور اداکار احد رضا میر کی سوشل میڈیا پر علیحدیگی کی خبریں گردش کر رہی ہیں۔

سوشل میڈیا پر دونوں فنکاروں کے حوالے سے گردش کرنے والی خبروں کے حوالےسے پاکستانی  اداکار عمران عباس  نے صارفین کو قرارا جواب دے دیا۔

یاد رہے کہ سجل علی کی بہن صبور علی کی شادی کی تقریبات میں ان کے شوہر احد رضا میر اور ان کے گھر والوں میں سے کسی نے بھی شرکت نہیں کی جس کی وجہ سے سوشل میڈیا پر دونوں میں علیحدگی کی خبریں گردش کرنے لگیں۔

تاہم اداکار عمران عباس  نے اپنے انسٹاگرام اکاؤنٹ پر سوال و جواب کا ایک سیشن رکھا جہاں ان کے ایک مداح نے ان سے سجل اور احد کے حوالے سے سوال کیا کہ احد کیوں نہیں آیا صبور کی شادی میں؟

سوشل میڈیا صارفین کی جانب سے کیے جانے والے سوال کے جواب میں غصے کا اظہار کرتے ہوئے کہا کہ کیا آپ لوگ جانتے ہیں کہ آپ لوگ اپنے کام سے کام کیں نہیں رکھتے۔

اداکار عمران عباس نے سوشل میڈیا صارفین کو طنزیہ مشورہ دیتے ہوئے کہا کہ جتنا آپ لوگ اپنی زندگیوں پر دھیان دیں تو کہا سے کہا چلے جائے۔

دوسری جانب اداکار عمران عباس نے اپمنی ایک پوسٹ میں کہا کہ سجل بہت اچھی دوست ہے اور مجھ سے ہمیشہ رابطے  بھی رہتی ہیں اور جب سے میری والدہ کا انتقال ہوا ہے میری خیریت بھی معلوم کرتی رہتی ہیں۔

اس کے علاوہ  گلوکار فلک شبیر نے بھی دونوں فنکاروں کے حوالے سے کہا کہ وہ چاہتے ہیں کہ یہ قیاس آرائیاں غلط ثابت ہوں کیونکہ وہ انہیں ایک خوبصورت جوڑا سمجھتے ہیں۔

فلک نے مزید کہا کہ  میں دعا کرتا ہوں کہ ایسا کچھ بھی نہ ہو جیسا آپ لوگ سوچ رہے ہیں ،یہ بہت ہی خوبصورت جوڑا ہے ۔

اس سے قبل اداکارہ سجل علی کی جانب سے انسٹا اسٹوری پر احد رضا میر کے ساتھ تصویر اپلوڈ کی لیکن پھر کچھ دیر بعد وہ تصویر ڈیلیٹ کردی تھی۔

واضح رہے کہ  سجل علی اور احد رضا میر کی علیحدگی کی خبروں پر اُن کی مینجر نے ردّعمل دیا تھا۔

سجل علی کی مینجر نے ڈیجیٹل خبر رساں ادارے پر شدید برہمی کا اظہار کرتے ہوئے کہا تھا کہ یہ شرمناک صحافت ہے کہ آپ اپنی ریٹنگز کے لئے کسی کی ذاتی زندگی سے متعلق بےبنیاد خبریں شائع کریں ۔