خرم شیر زمان نےکہا ہے کہ احتجاج سیاسی جماعتوں کا جمہوری حق ہے۔

پارلیمانی لیڈر سندھ اسمبلی خرم شیر زمان نے کہا کہ جماعت اسلامی کا کراچی کے مختلف مقامات پر دھرنے کا اعلان پی ایس ایل کے دوران سمجھ سے بالاتر ہے۔

خرم شیر زمان نے کہا کہ کراچی کے عوام کے حقوق مانگنے والے خود شہریوں کو پریشان کرنا چاہتے ہیں۔

پارلیمانی لیڈر سندھ اسمبلی کا کہنا تھا کہ موجودہ جاری پی ایس ایل کی وجہ سے دنیا کی نظریں اس وقت پاکستان پر ہیں، مشورہ ہے کہ جماعت اسلامی اپنے دھرنے پی ایس ایل کے بعد چمکائے۔

خرم شیر زمان نےکہا کہ احتجاج سیاسی جماعتوں کا جمہوری حق ہے لیکن شہریوں کو پریشان کرکے جماعت اسلامی کونسا بااختیار نظام مانگ رہی ہے؟ سمجھتے ہیں عوام کو سڑکوں پر پریشان کرنا جمہوریت کے نام پر ظلم ہے۔

پارلیمانی لیڈر سندھ اسمبلی خرم شیر زمان کا مزید کہنا تھا کہ جماعت اسلامی کے سربراہان سے درخواست کریں گے فیصلے پر نظرِ ثانی کریں، سیاسی جماعتیں شہر میں فلفور پی ایس ایل کی وجہ سے دھرنے اور مظاہروں سے گریز کریں۔