رہنما جماعت اسلامی احمد سلمان بلوچ کا کہنا ہے کہ شہریوں کے حقوق کیلئے ہمیشہ آواز اٹھاتے رہینگے۔

تفصیلات کے مطابق جماعت اسلامی کا شہر میں شدید سوئی گیس بحران پر وحدت روڈ پر بلا جلاؤ احتجاج جاری ہے جبکہ رہنما جماعت اسلامی احمد سلمان بلوچ نے بھی احتجاج میں شرکت کی ہے۔

اس موقع پر رہنما جماعت اسلامی احمد سلمان بلوچ نے کہا کہ کھیل کے میدان دیئے نہیں، گیس آتی نہیں لیکن بل مسلسل آتے ہیں۔

 احمد سلمان بلوچ کا کہنا تھا کہ شہریوں کے حقوق کیلئے مسلسل آواز اٹھا رہے ہیں، عوام سوئی گیس ، پانی کی سہولیات سے محروم ہے اور مری میں لوگ جان کی بازی ہار رہے ہیں۔

 احمد سلمان بلوچ نے کہا کہ وزیر اعظم صاحب پچھلے تین سال آپ نے صرف سیاحت پر بیان دیئے تھے، سیاحت کی یہ تیاری کی کہ بائیس بندے جان کی بازی ہار گئے۔

انہوں نے مزید کہا کہ وزیر اعظم مری کے سانحہ قیمتی جانوں کے ضیاع پر کیوں مستعفی نہیں ہوئے۔

 واضح رہے کہ احتجاج میں سندھ  بلدیاتی نظام کالا قانون پر جاری دھرنا کے شرکاء سے اظہار یکجہتی بھی کی گئی ہے۔