این اے 75 ڈسکہ ضمنی الیکشن میں دھاندلی کے معاملے پر الیکشن کمیشن نے 60 افسران کے خلاف کرپٹ پریکٹس کے تحت کارروائی کا فیصلہ کرلیا ہے۔

تفصیلات کے مطابق الیکشن کمیشن نے ڈی آر او آر سمیت 27 پریذائڈنگ افسر اور 7 ایس ایچ اوز کے خلاف کارروائی کا فیصلہ کرلیا ہے۔

سابق ڈی سی سیالکوٹ ذیشان احمد لاشاری، سابق ڈی پی او سیالکوٹ حسن اسد کے خلاف کارروائی کا فیصلہ ہوا، سابق اے سی ڈسکہ، سابق ڈی ایس پی سمبڑیال، ڈپٹی ایجوکیشن افسران کے خلاف بھی کارروائی کی سفارش کی گئی ہے۔

ریٹرینگ افسر اور ڈسٹرکٹ ریٹرینگ افسر بھی کرپٹ پریکٹس کے مرتکب قرار جبکہ 8 اسٹنٹ ایجوکیشن آفیسر اور پولیس اہلکار کو بھی غیر قانونی اقدامات میں ملوث قرار دے دیا۔

الیکشن کمیشن نے تمام افسران کے خلاف ڈسپلنری ایکشن کی سفارش کردی، الیکشن کمیشن نے تمام افسران کو دوبارہ الیکشن ڈیوٹی پر نہ لگانے کی ہدایت کردی۔

  الیکشن کمیشن نے پنجاب حکومت کو کارروائی کے لئے احکامات بھجوا دیئے جبکہ افسران کے خلاف کارروائی کی رپورٹ بھی طلب کرلی۔