مری میں ایک مرتبہ پھر سے تیز برفباری کا آغاز ہوگیا ہے۔

تفصیلات کے مطابق برفباری دیکھنے کے لیے سیاحوں کی آمد کا سلسلہ پھر سے جاری ہے جبکہ صبح سے اب تک مری میں  79گاڑیاں داخل ہوچکی ہیں۔

چیف ٹریفک آفیسر راولپنڈی وسیم ریاض ٹریفک انتظامات کا جائزہ لینے کے لئے مری میں موجود ہیں، اس موقع پر ان کا کہنا تھا کہ صبح سے اب تک مری میں 79گاڑیاں داخل ہوئی ہیں  جبکہ 35آﺅٹ ہوئیں

چیف ٹریفک آفیسر راولپنڈی وسیم ریاض نے کہا کہ سی ٹی او وسیم ریاض کی سپر ویزن میں راولپنڈی ٹریفک پولیس کے جوان سیاحوں کی خدمت میں کوشاں ہیں۔

چیف ٹریفک آفیسر راولپنڈی نے کہا کہ مری میں مجموعی طور پر اب تک سیاحوں کی 1170گاڑیاں موجود ہیں، ضلعی انتظامیہ کے احکامات کے پیش نظر مری میں سیاحوں کی8000سے زائد گاڑیوں کے داخلہ کی اجازت نہیں دی جائے گی۔

 سی ٹی او راولپنڈی کا کہنا تھا کہ مری آنے والے سیاح موسم کی شدت اور رش کو مد نظر رکھتے ہوئے مری کا رخ کریں جبکہ مسلسل جاری برفباری کے باعث سیاحوں کی حفاظت کےلئے کلڈنہ سے گلیات جانے والے راستہ کو عارضی طور پر بند کیا گیا ہے۔

سی ٹی او راولپنڈی کا کہنا تھا کہ تمام داخلی راستوں پر گاڑیوں کی فٹنس اور ڈرائیونگ لائسنس چیک کیے جا رہے ہیں ، مکینکلی فٹ اور لائسنس ہولڈر ڈرائیورز کو ہی مری جانے کی اجازت دی جا رہی ہے۔

انہوں نے مزید کہا کہ راولپنڈی ٹریفک پولیس سخت سردی اور برف باری میں ٹریفک کی روانی کو برقراررکھے ہوئے ہیں۔