رہنما ایم کیو ایم پاکستان عامر خان نے کہا ہے کہ پیپلز پارٹی کے مظالم سے تاریخ بھری پڑی ہے۔

ٹنڈوالہ یار میں عامر خان نے گفتگو کرتے ہوئے کہا کہ ٹنڈوالہ یار کے واقعے سے پورے سندھ کے لوگوں میں تشویش کی لہر دوڑ گئی، دو روز قبل احاطہ عدالت پولیس کی موجودگی میں خلیل الرحمٰن بھولو کو قتل کیا گیا۔

ان کا کہنا تھا کہ مہاجر نوجوان کو عدالت کے اندر قتل کیا گیا، لاسانی فسادات پھیلانے میں پولیس ملوث ہے، 35 سالوں سے صوبے کو سندھی مہاجر کے نام پر تباہ کیا گیا ہے، ہماری ماؤں بہنوں پر کیوں تشدد کیا گیا یہ نہیں چلے گا۔

انہوں نے کہا کہ پیپلز پارٹی کے مظالم سے تاریخ بھری پڑی ہے، ہم پر لاسانیت کے الزامات لگائے جارہے ہیں جو غلط ہیں، پہلے مہاجر نوجوان کو عدالت میں قتل کیا گیا پھر خواتین پر تشدد کیا گیا، خلیل الرحمٰن کے قتل کی سازش میں یہاں کا ایس ایس پی ملوث ہے۔

رہنما ایم کیو ایم پاکستان عامر خان نے کہا کہ جس شخص نے قتل کیا وہ شاہانہ انداز میں سیلفیاں بنا رہا ہے، خواتین پر گھروں میں گھس کر تشدد کیا گیا، درخواست کے باواجود خلیل الرحمٰن کو سیکیورٹی کیوں نہیں دی گئی، سوچی سمجھی سازش کے پہچھے سندھ پولیس کا ہاتھ ہے۔