الیکشن کمیشن نے خیبر پختونخوا بلدیاتی انتخابات کے دوسرے مرحلے کا شیڈول جاری کردیا ہے۔

جاری کردہ شیڈول کے مطابق خیبر پختونخواہ بلدیاتی کے دوسرے مرحلے میں پولنگ 27 مارچ کو ہوگی، 7 فروری سے 11 فروری تک کاغذات نامزدگی جمع کرائے جائیں گے۔

الیکشن کمیشن کے مطابق امیدواروں کی عبوری فہرست 12 فروری کو جاری کی جائے گی، 14 سے 16 فروری تک امیدواروں کے کاغذات نامزدگی کی سکروٹنی کی جائے گی، ریٹرننگ آفیسر 23 فروری کو امیدواروں کی حتمی فہرست جاری کرے گا۔

الیکشن کمیشن کے مطابق 28 فروری کو امیدواروں کو انتخابی نشان الاٹ کیے جائیں گے۔

یاد رہے کہ الیکشن کمیشن دوسرے مرحلے کے نتائج کا اعلان یکم اپریل کو کرے گا۔