خیبر پختونخوا میں گزشتہ 24 گھنٹوں میں کورونا وائرس سے 5 افراد انتقال کر گئے ہیں۔

محکمہ صحت کے مطابق خیبر پختونخوا میں کورونا وائرس سے جاں بحق افراد کی تعداد 5 ہزار 974 ہوگئی ہے، 24 گھنٹوں میں کورونا وائرس سے مزید 590 نئے کیسز رپورٹ ہوئے ہیں۔

محکمہ صحت کا کہنا ہے کہ صوبے میں کورونا کیسز کی مجموعی تعداد 1 لاکھ 84 ہزار 455 ہوگئی، خیبرپختونخوا میں 24 گھنٹوں کے دوران کورونا سے متاثرہ 50 مریض صحت یاب ہوئے ہیں۔

محکمہ صحت کے مطابق صوبے میں کورونا سے صحت یاب افراد کی تعداد 1 لاکھ 75 ہزار 695 ہوگئی ہے، پشاور میں گزشتہ چوبیس گھنٹوں کے دوران 2 مریض جاں بحق ہوگئے ہیں۔

محکمہ صحت نے بتایا کہ پشاور میں کورونا وائرس سے جاں بحق افراد کی تعداد 2909 ہوگئی، کورونا سے 24 گھنٹوں کے دوران مزید 435 افراد متاثر ہوئے ہیں۔

محکمہ صحت کے مطابق پشاور میں کورونا کیسز کی تعداد68 ہزار516 ہوگئی، خیبر پختونخوا میں ایک دن میں 9 ہزار 572 نئے ٹیسٹ کیے گئے۔