لاہور الیکٹرک سپلائی کمپنی(لیسکو) کے چیف ایگزیکٹوچوہدری محمد امین کی ہدایات پرتمام سرکلز میں بجلی چوروں کیخلاف بڑے پیمانے پر سرچ آپریشن کئے جا رہے ہیں۔

اسی سلسلے میں ایکسئین ڈیفنس ایسٹ اشفاق احمد کے زیرِ نگرانی ایس ڈی او ایئرپورٹ نوید شاہنواز نے اپنے اسٹاف کے ہمراہ سب ڈویژن کے زیرانتطام علاقوں میں آپریشن کیاجس دوران کل500کنکشنز چیک کئے گئے۔

 دوران چیکنگ40 کنکشنز میں مختلف نوعیت کی بے ضابطگیاں سامنے آئیں۔

ایس ڈی او نوید شاہنواز کے مطابق پکڑے جانے والے کنکشنز میں 20میٹر ڈائریکٹ سپلائی،04میٹر ریورس،04میٹر ڈسپلے اوپن،06میٹر ڈسپلے واش،04میٹرسلوجبکہ2 مختلف نوعیت کے کیسز تھے۔

 تمام بے ضابطہ کنکشن منقطع کرکے 80,000یونٹس ڈٹیکشن بل کی مد میں چارج کئے گئے ہیں۔

 پکڑے جانے والے24 بجلی چوروں کے خلاف ایف آئی آر کے اندراج کے لئے درخواستیں متعلقہ تھانوں میں جمع کروا دی گئی ہیں جبکہ 5 بجلی چوروں کو موقع پر گرفتار کر لیا گیا۔

 چیف ایگزیکٹو چوہدری محمد امین کی ہدایت پر لیسکو میں بجلی چوری کے مکمل خاتمے کے لئے ٹاسک فورس اور لیسکو آپریشن اور سرویلنس کی ٹیموں کی جانب سے بجلی چوروں کے خلاف مہم جاری ہے۔

اس کے ساتھ ساتھ ڈیڈ ڈیفالٹرز سے واجب الادا رقومات کی وصولی کا سلسلہ بھی جاری ہے۔