کیمرون میں جاری افریقن کپ آف نیشن کے میچ میں مراکش نے ملاوی کو 1 کے مقابلے دو گول سے شکست دے کر کوارٹر فائنل میں جگہ بنا لی۔

ملاوی نے میچ شروع ہونے کے سات منٹ بعد ہی گول کر کے برتری حاصل کر لی تھی۔

مگر مراکش کے اسٹرائکر یوسف نے پہلے ہاف سے چند لمحات قبل گول کر کے میچ 1-1 سے برابر کر دیا تھا۔

میچ کے 70 ویں منٹ میں اشرف حکیمی نے مراکش کی جانب سے فیصلہ کن گول کر کے ٹیم کو کوارٹر فائنل میں پہنچا دیا۔

مراکش کا کوارٹر فائنل میں مصر یا آئیوری کوسٹ سے ہو گا ، یہ دونوں ٹیمیں آج کوارٹر فائنل کے لئے میدان میں اتریں گی۔

گزشتہ روز اسٹیڈیم کے داخلی گیٹ پر بھگدڑ میں ہلاک و زخمی ہونے والے افراد سے اظہار یکجہتی کے لئے کچھ لمحات کے لئے خاموشی اختیار کی گئی۔

میچ میں ملاوی کے گول کیپر کی شاندار کارکردگی پر شائقین نے خوب داد دی، جس نے کئی یقینی گول بچائے۔

ملاوی کی فٹ بال ٹیم ایونٹ سے قبل کمزور ٹیم تصور کی جا رہی تھی ، ، مگر اس نے اپنے گروپ میں اچھی کارکردگی دکھائی۔