اے ایس ایف نے لاہور ایئرپورٹ پر کارروائی کی۔

ترجمان ایئرپورٹ سیکورٹی فورس (اے ایس ایف) کے مطابق کروڑوں روپے مالیت کی منشیات اسمگلنگ کی کوشش ناکام بنادی گئی ، اے ایس ایف نے لاہور سے ابو ظہبی منشیات اسمگلنگ کی کوشش ناکام بنادی۔

لاہور سے ابو ظہبی جانے والے مسافر کے بیگ سے 4 کلو گرام  آئس ہیروئن برآمد ہوئی ، مسافر امین افضل نے ہیروئن اپنے بیگ میں چھپا رکھی تھی ، اے ایس ایف کے ڈیوٹی پر مامور عملے نے مسافر کے بیگ کی اسکینگ کرکے مسافر کے سامان سے منشیات برآمد کی۔

ترجمان ایئرپورٹ سیکورٹی فورس کا کہنا ہے کہ 4 کلو گرام آئس ہیروئن برآمد کر کے منشیات اسمگلنگ کی بڑی کوشش ناکام بنا دی ہے ، پکڑی گئی ہیروئن کی مالیت تقریباً ساڑھے چار کروڑ روپے  سے زائد ہے۔

واضح رہے کہ منشیات اسمگلر کو برآمد شدہ ہیروئن سمیت مزید کارروائی کے لئے اے این ایف کے حوالے کر دیا گیا۔