پاکستان شوبز انڈسٹری کی اداکارہ مریم انصاری اپنے سُسر، قومی کرکٹ ٹیم کے سابق کپتان معین خان سے متاثر ہو گئیں۔

اداکارہ مریم انصاری کی جانب سے اپنے سُسر، قومی کرکٹ ٹیم کے سابق کپتان معین خان کی تعریفوں کے پُل باندھ دیئے۔

گزشتہ دنوں نو بیاہتا  اداکارہ مریم انصاری کی جانب سے اپنے نوبیاہتا بھائی، اداکار علی انصاری کے ہمراہ ایک ٹاک شو میں شرکت کی تھی۔

دورانِ شو مریم انصاری نے جہاں اپنے والد اور بھائی کی جانب سے زندگی کے ہر مرحلے میں ملنے والی حوصلہ افزائی کی تعریف کی وہیں انہوں نے اپنے سسرال سے متعلق بھی خوب دلچسپ باتیں بتائیں۔

اداکارہ مریم انصاری نے اپنے  سُسر، معین خان سے متعلق بات کرتے ہوئے بتایا کہ ’معین خان دنیا کے بہترین سسر ہیں، اُن کے سُسر ہمیشہ اُن کی ہر ضد پوری کرتے ہیں۔

انہوں نے مزید بتایا کہ ان کے سسر جو ضد نہیں بھی پوری کرنی چاہہے وہ اُس کا بھی خیال رکھتے ہیں اور ہر خواہش پوری کرتی ہیں۔

اداکارہ نے معین خان سے متعلق بتایا کہ اُن کے سسر ہر اتوار پر ڈنر پر بھی لے جاتے ہیں، وہ بار بی کیو اور جھینگے بہت اچھے بناتے ہیں۔

اداکارہ مریم انصاری نے کہا کہ جھینگے میرے سسر کو بہت پسند ہیں وہ م جب بھی جھینگے بناتے ہیں بہت زیادہ تعداد میں بناتے ہیں اور اُنہیں خصوصاً کھانے پر بلاتے ہیں اور زیادہ کھانے کی ضد بھی کرتے ہیں۔‘