لاہور میں کزن کے ہاتھوں اغوا ہونے والی نوجوان لڑکی کو بازیاب کرولیا گیا۔

پاکستان سمیت دنیا بھر میں لڑکیوں کے اغوا کے روزانہ کی بنیاد پر کیسز رپورٹ ہورہے ہوتے ہیں اور خاص طور پر لاہور میں اس طرح کے واقعات میں اضافہ دیکھنے میں آیا ہے۔

تفصیلات کے مطابق گزشتہ روز لاہور پولیس کو 17 سالہ لڑکی کی اغوا کی شکایت موصول ہوئی تھی ، لڑکی کے والد کی جانب سے درج کیے گئے مقدمہ میں بتایا گیا کہ شیخ زاید اسپتال سے اس کی بیٹی کو اغوا کرلیا گیا ہے۔

لڑکی کے والد نے پولیس کو بتایا کہ بیٹی ڈاکٹر کو چیک اپ کرانے کمرے میں گئی تھی اور میں باہر بیٹھا اس کا انتظار کرتا رہا لیکن جب وہ واپس نہ آئی تو اس کی تلاش میں لگ گیا تاہم اس کا کوئی سراغ نہ لگا۔

دوسری جانب پولیس نے مقدمہ درج ہونے کے بعد لڑکی کی تلاش شروع کردی تھی جس میں پولیس آج کامیاب ہوگئی ہے۔

پولیس کے بعد 17 سالہ لڑکی کو اس کا کزن کھانا کھلانے کے بہانے اپنے ساتھ لے گیا تھا اور ہم نے کال ڈیٹا کی مدد سے لڑکی کو ٹریس کرنے کے بعد چنیوٹ سے اسے بازیاب کروایا تاہم ملزم پولیس کے ہاتھوں سے بچ نکلا جس کی گرفتاری کے لیے چھاپے مارے جارہے ہیں۔