نواز شریف نے ایک بار پھرجلد ملک واپس جانے کی خواہش کا اظہار کر دیا۔

ذرائع کے مطابق مسلم لیگ ن کے قائد اور سابق وزیراعظم نوازشریف سے سینیئر رہنما و سابق وفاقی وزیر سردار مہتاب عباسی نے ملاقات کی۔

لندن میں ہونے والی ملاقات میں ملک کی مجموعی سیاسی صورتحال پر تبادلہ خیال کیا گیا۔

ذرائع کے مطابق ملاقات میں نواز شریف نے کہاکہ کہ جلد ملک واپس جانا چاہتا ہوں ،بڑھتی مہنگائی نے عوام کا جینا دوبھر کردیا ہے۔

یہ بھی پڑھیں: اگر نواز شریف آتے ہیں تو پنجاب کی جیلیں ان کا انتظار کررہی ہیں ، فیاض الحسن  

سابق وزیراعظم نے کہاکہ فارن فنڈنگ کیس میں صادق و امین قرار دئیے جانے والے کا اصل چہرہ سامنے آگیا، یہ مکافات عمل ہے عوام کو بھی اب حقیقت کا پتہ چل گیا ہے۔

ملاقات میں ن لیگ کی تنظیم نو پر بھی تبادلہ خیال کیا گیا۔

یہ بھی پڑھیں: ملک بحرانوں کا شکار ہے جلد واپس آنا چاہتا ہوں، نواز شریف

نواز شریف نے خیبر پختونخوا میں ن لیگ کو متحرک کرنے کےلئے مل کر کام کرنے کی ہدایت کی۔