چین کی ٹیکنالوجی جائنٹ ہواوے نے ’ونٹر فلیگ شپ ایونٹ‘ میں مکمل طور پر موبائل فون سے کنٹرول ہونے والی اسمارٹ برقی کار متعارف کروا کر امریکی کمپنی ٹیسلا کے لیے مسابقت کی فضا پیدا کردی ہے۔

فلیگ شپ ایونٹ میں ہواوے نے چین میں ’ ہواوے AITO ایم 5 اسمارٹ کار‘ کے نام سے الیکٹرک ہائی برڈ SUV ( اسپورٹس یوٹیلیٹی وہیکل) لانچ کردی ہے۔ جس کی قیمت ابتدائی طور پر ڈھائی لاکھ یوآن سے 3 لاکھ 20 ہزار یوآن رکھی گئی ہے۔

ہواوے کی AITO ایم 5 اسمارٹ کار اپنے اسمارٹ AITO ( ایڈنگ انٹیلی جنس ٹو آٹو) فیچرکی بدولت چین میں برقی کاروں کی مارکیٹ میں پہلی لگژری اسمارٹ الیکٹرک SUV بن گئی ہے۔ یہ گاڑی ہواوے اور ایک چینی کمپنی سیریس کا مشترکہ پراجیکٹ ہے۔

اس گاڑی کی سب سے منفرد بات اس میں شامل کیا گیا ہواوے کااپنا آپریٹنگ سسٹم Harmony OS ہے۔ ہواوے کے ہارمنی او ایس کا بنیادی مقصد ہواوے کی آئی او ٹی ( انٹر نیٹ آف تھنگس) مصنوعات کو با آسانی ایک دوسرے سے مربوط کرنا ہے۔

ہواوے اسمارٹ کار ڈیویژن کے چیف ایگزیکٹو آفیسر یو چینگ ڈونگ کا اس بارے میں کہا ہے کہ ’ یہ بلیو ٹوتھ اور این ایف سی  ڈیجیٹل چابیوں کے ساتھ متعارف کروانی جانے والی آٹو موبائل انڈسٹری کی پہلی کار ہے۔AITO ایم 5 اسمارٹ کار کی اسمارٹ چابیاں  ہواوے کے والٹ ایپ میں دی گئی ہے۔‘

صارفین چابی کھونے کی فکر سے آزاد ہو کر صرف ایک کلک پر اپنی کار کو اسٹارٹ کرسکتے ہیں۔

بلیو ٹوتھ کی بدولت یہ ڈیجیٹل چابیاں مخصوص فا صلے تک کار کو لاک اور ان لاک کر سکتی ہیں، تاہم اگر کسی وجہ سے بلیو ٹوٹھ کام نہیں کرے یا پھر موبائل کی بیٹری ختم ہوجائے تو پھر اس کار کو موبائل بند ہونے باوجود این ایف سی کی مدد سے اسٹارٹ کیا جاسکتا ہے۔ ان ڈیجیٹل چابیوں کی این ایف سی اور بلیوٹوتھ انکرپشن AITO ایم 5 اسمارٹ کار میں بھی موجود ہے۔

جدید ترین سافٹ ویئر، انڈسٹریل ڈیزائن اور انجینئرنگ ٹیکنالوجی سے آراستہ اس اسمارٹ کار کو مکمل پر الیکٹرک یا پیٹرول پر بھی چلا یا جاسکتا ہے۔

اس کا جدت سے بھرپور کشادہ اندرونی ڈیزائن کافی حد تک ڈیزائن پورشے میکن سے متاثر دکھائی دیتا ہے۔

جس کی مدد سے ڈرائیورز اسمارٹ فون میں ایپ کھول کر بٹن دبائے کی جھنجھٹ سے آزاد ہوکر صرف اپنی کلائی کی مدد سے AITO ایم 5 اسمارٹ کار کو کنٹرول کرسکیں گے۔