ایک خاتون ویٹ لفٹر کو اس وقت شدید تکلیف کا سامنا کرنا پڑا جب 369 پاونڈ کا وزن اٹھاتے وقت ان کے ہاتھ کی ہڈی ٹوٹ گئی۔

پاور لفٹر رابن ماچاڈو دو دہائیوں سے ویٹ لفٹنگ کر رہی ہیں، لیکن ایک بھاری ورزش کے دوران قسمت نے ان کا ساتھ نہ دیا۔

حال ہی میں ماچاڈو کے  ٹک ٹاک اکاؤنٹ پر پوسٹ کی گئی ویڈیو میں انہیں وزن اٹھائے اٹھک بیٹھک کرتے دیکھا جاسکتا ہے۔

تاہم، جیسے ہی 35 سالہ ویٹ لفٹر ایک موقع پر وزن اٹھانے کی کوشش کی، راڈ ان کی کمر کی طرف کھسک گئی، یہ واقعی ایک خوفناک لمحہ تھا کیونکہ ان کے بازو ٹوٹنے کی آواز کو صاف سنا گیا۔ ویڈیو کے اچانک ختم ہونے سے پہلے ماچاڈو اذیت میں چیختی نظر آئیں۔

ریلی، نارتھ کیرولائنا سے تعلق رکھنے والی، تجربہ کار ویٹ لفٹر حیران رہ گئیں کہ ان کا بازو کیسے ٹوٹ گیا۔ حاکالنہ وہ ماضی میں بھی اتنا ہی وزن کئی بار اٹھا چکی ہیں۔

ماچاڈو نے اس حوالے سے بات کرتے ہوئے کہا کہ “جب میں نے دباؤ محسوس کیا اور زور سے ٹوٹنے کی آواز سنی، تو میرا پہلا خیال یہ تھا، کہ راڈ ٹوٹ گئی ہے۔”

“جب میں نے اپنے بازو پر نظر ڈالی تو ہڈی کو گوشت سے باہر نکلے پایا۔ میں اتنا دنگ رہ گئی کہ چیخ پڑی۔”

https://www.bolnews.com/urdu/latest/2022/01/307455/amp//video/7053186837753679151?is_from_webapp=1&sender_device=pc&web_id7044592949267924481

ماچاڈو نے انکشاف کیا کہ انہیں اس وقت غالباً ایڈرینالین کی وجہ سے کوئی درد محسوس نہیں ہوا۔

انہوں نے بتایا کہ مجھے ہسپتال لے جایا گیا جہاں مجھے ایکسرے اور ایک ibuprofen دی گئی۔ وہاں پتہ چلا کہ میں اپنی بازو کی ہڈی توڑ بیٹھی تھی۔”

امریکا سے تعلق رکھنے والی ویٹ لفٹر اب @PowerLifting _Portagee  کے نام سے اپنا ٹک ٹاک پیج چلا رہی ہیں،تاکہ لوگوں میں لفٹنگ کو محفوظ اور درست طریقوں کے بارے میں آگاہی فراہم کی جاسکے۔

رابن ماچاڈو نے بتایا کہ ہڈی کو ٹھیک ہونے میں آٹھ ہفتے لگے اور ان کے بازو میں ایک پلیٹ اور آٹھ پیچ ڈالنے کی ضرورت پڑی۔

انہوں نے بتایا کہ سب سے برا حصہ میرے ریڈیل نیورونز کو پہنچنے والا نقصان تھا۔ میں اپنے انگوٹھے، شہادت کی انگلی اور درمیانی انگلی کو مشکل سے حرکت دے سکتی تھی۔

اتنی بھاینک چوٹ بھی ماچاڈو کو ویٹ لفٹنگ سے نہیں روک سکی،انہوں نے نہ صرف اپنے آپریشن کے صرف چار ماہ بعد اپنی پرانی ذاتی بہترین کارکردگی کا مظاہرہ کیا بلکہ صرف چھ ماہ بعد ان ریکارڈوں کو پیچھے چھوڑ دیا۔