وزیر زراعت پنجاب سید حسین جہانیاں گردیزی نے کہا ہے کہ محکمہ لائیو اسٹاک و ڈیری ڈویلپمنٹ کے پراجیکٹس کو سی پیک کی افادیت کے مد نظر اپ سکیل کیا جائے۔

سید حسین جہانیاں گردیزی کی زیرِ صدارت بفیلو ریسرچ انسٹیٹیوٹ پتوکی میں لائیو اسٹاک ڈیری ڈویلپمنٹ ڈیپارٹمنٹ کی کارکردگی کا جائزہ اجلاس ہوا ہے۔

اجلاس میں صوبائی وزیر لائیو اسٹاک سردار حسنین بہادر دریشک، ہیڈ اسپشل مانیٹرنگ یونٹ چیف منسٹر پنجاب فیصل آصف اور سیکرٹری لائیو اسٹاک پنجاب سید نوید شیزازی نے شرکت کی۔

اس موقع پر وزیر زراعت پنجاب کا کہنا تھا کہ محکمہ لائیو اسٹاک و ڈیری ڈویلپمنٹ پنجاب کے منصوبہ جات کمرشل بنیادوں کو ملحوظ خاطر رکھتے ہوئے ترتیب دیئے جائیں، محکمہ کے پراجیکٹس کو سی پیک کی افادیت کے مد نظر اپ سکیل کیا جائے۔

انہوں نے کہا کہ محکمہ کے پراجیکٹس کو سی پیک کی افادیت کے مد نظر اپ سکیل کیا جائے، مویشی پال حضرات کو ویکسین کی سہولیات فراہم کی جائیں۔

اجلاس میں وزیر لائیو اسٹاک و ڈیری ڈویلپمنٹ سردار حسنین بہادر دریشک نے کہا کہ صوبے میں آئی وی ایف ٹیکنالوجی کے تحت جانوروں کے بانجھ پن میں کمی لانے کے لئے اقدامات کئے جائیں، تمام پراجیکٹس اپنے مقرر کردہ معیار پر تکمیل کئے جائیں۔