بارش بھی ہوگی اور تیز ہوائیں بھی چلے گی لیکن کب؟ محکمہ موسمیات نے کراچی سمیت ملک بھر کیلئے خطرناک پیشگوئی کردی۔

محکمہ موسمیات کی جانب سے پورے ملک میں بارشوں کی وجہ سے الرٹ جاری کر دیا گیا ہے ، کراچی میں بھی موسم خطرناک ہونے والا ہے۔

کراچی میں تیز ہوائیں چلنا شروع

شہر قائد میں اس وقت 40 تا 45 کلو میٹر فی گھنٹہ کی رفتار سے مغربی ہوا چل رہی ہیں۔

محکمہ موسمیات کے مطابق آج رات سے شہر میں سردی کی شدت میں ایک بار پھر اضافہ ہوگا، سردی کی لہر 8 روز تک جاری رہے گی۔

اس دوران درجہ حرارت سنگل ڈیجٹ میں ریکارڈ ہونے کا امکان ہے۔

شہریوں کےلئے الرٹ جاری  

محکمہ موسمیات  نے عوام سے اپیل کی ہے کہ شہرمیں گرد آلود ہوائیں چل رہی ہیں،رات میں ہواؤں کی رفتار میں مزید اضافہ ہوسکتا ہے لہذٰا شہری درختوں اور سائن بورڈز سے دور رہیں۔

ذرائع کے مطابق گلشن اقبال 13 ڈی میں تیز ہواؤں کے سبب درخت گرگیا ، تاہم کسی قسم کے جانی نقصان کی اطلاعات نہیں ہے۔

بارشیں برسانے والا نیا سسٹم داخل 

محکمہ موسمیات کے مطابق آج رات ملک میں بارشیں برسانے والا نیا سسٹم داخل ہو گا۔

اس سسٹم سے اسلام آباد اور راولپنڈی، کشمیر، گلگت بلتستان، چترال خیبر پختونخواہ اور مری میں تیز ہواؤں اور گرج چمک کے ساتھ بارشیں ہوں گی۔

اس کے علاوہ پنجاب کے میدانی اور وسطی علاقوں میں بھی تیز بارشیں اور پہاڑوں پر برفباری ہونے کا امکان ہے۔