پشاور زلمی نے ماہرہ خان کو پانچویں بار برانڈ ایمبیسیڈر مقرر کرنے کا اعلان کردیا۔

پاکستان سپر لیگ کے ساتویں ایڈیشن کا آغاز 27 جنوری سے کراچی میں ہوگا جہاں پہلے ہی میچ میں میزبان ٹیم کراچی کنگز کا مقابلہ ٹائٹل کا دفاع کرنے والی ملتان سلطانز سے ہوگا۔

پی ایس ایل 7 کے لیے تمام ٹیموں نے اپنے ڈرافٹ مکمل کرلیے ہیں اور پاکستان کرکٹ بورڈ کی جانب سے بھی کراچی اور لاہور میں سیکیورٹی سمیت تمام انتظامات تقریباً آخری مراحل میں ہیں۔

یہ بھی پڑھیں؛ پشاور زلمی کے آفیشل ترانے میں ماہرہ خان، اسرا بلجک اور ہانیہ عامر جلوہ گر

پشاور زلمی کے آفیشل ٹوئٹر اکاؤنٹ سے پاکستان کی نامور اداکارہ ماہرہ خان کو ایک بار پھر اپنی ٹیم کا برانڈ ایمبیسڈر مقرر کرنے کا اعلان کیا گیا۔

Welcome on Board @TheMahiraKhan https://www.bolnews.com/urdu/latest/2022/01/361845/amp/

— Javed Afridi (@JAfridi10) January 9, 2022

ٹوئٹ میں کہا گیا کہ ہمیں یہ بتانے میں خوشی محسوس ہورہی ہے کہ پی ایس ایل کے ساتویں سیزن میں بھی اداکارہ ماہرہ خان ہی ہماری برانڈ ایمبیسیڈر ہوں گی اور یہ ان کا پشاور زلمی کے ساتھ پانچواں سیزن ہوگا۔

یہ بھی پڑھیں؛ لاہور میں شیڈول میچز کے انتظامات پر اہم اجلاس

خیال رہے ماہرہ خان پی ایس ایل 1، 3 ، 4 ،6 میں پشاور زلمی کی برانڈ ایمبیسیڈر رہ چکی ہیں۔

Happy to announce & continue our association with @TheMahiraKhan who has been the face of Zalmi and a loyal supporter since the start. #Zalmifamily #ZKingdom #Yellowstorm pic.twitter.com/88YDrl2nkg

— PeshawarZalmi (@PeshawarZalmi) February 16, 2021

بعد ازاں پشاور زلمی کے مالک جاوید آفریدی کی جانب سے ماہرہ خان کے اعلان سے متعلق ٹوئٹ کر ری ٹوئٹ کرتے ہوئے اداکارہ کو زلمی فیملی میں خوش آمدید کہا۔