عثمان ڈار نے کہا ہے کہ کامیاب جوان پروگرام کا مقصد نوجوانوں کو روزگار کی فراہمی ہے۔

وزیر اعظم کے معاون خصوصی عثمان ڈار نے تقریب سے خطاب کرتے ہوئے کہا کہ ہماری معیشت5.37 فیصد کی شرح سے ترقی کر رہی ہے۔

عثمان ڈار نے کہا کہ ملازمین کی تنخواہیں بڑھانے والے اداروں  کے مشکور ہیں۔

انہوں نے کہا کہ کامیاب جوان پروگرام کا مقصد نوجوانوں کو روزگار کی فراہمی ہے، پروگرام اس وقت تک کامیاب نہیں ہو سکتا جب تک نوجوان اس سے مستفید نہ ہوں۔

عثمان ڈار کا کہنا تھا کہ نجی شعبہ کے ساتھ مل کرنوجوانوں کو زیادہ سے زیادہ سہولیات فراہم کریں گے۔

وزیر اعظم کے معاون خصوصی عثمان ڈار کا مزید کہنا تھا کہ نوجوانوں کو کاروبار کے لئے قرضے دیئے جارہے ہیں جبکہ نیوٹیک کے تعاون سے نوجوانوں کو فنی تربیت بھی فراہم کررہے ہیں۔