پاکستان میں فٹبال کو فروغ دینے کیلئے 4 نامور شخصیات میں اداکارہ ماہرہ خان، اداکار احد رضا میر، بلال اشرف اور مشک کلیم گلوبل ساکر وینچرز کی سپورٹ کیلئے میدان میں آنے کا اعلان کیا ہے۔

قبل ازیں جمعرات کے روز وزیر اعظم پاکستان عمران خان کے فٹبال سے متعلق وژن کو فروغ دینے اور پاکستانی نوجوان میں فٹبال کے کھیل کو ترقی دینے کے لیے گلوبل ساکر وینچرز اور پریمیئر ڈویژن کلب، سینٹ پیٹرک ایتھلیٹک فٹ بال کلب کے درمیان معاہدہ طے پایا تھا۔

معاہدے کے تحت سینٹ پیٹرکس ایتھلیٹک یو ای ایف اے پرو کا لائسنس یافتہ کوچنگ اسٹاف، مائیکل اوون کی زیر نگرانی ملکی سطح پر کامیاب جوان اسپورٹس ڈرائیو پروگرام کے بینر تلے نئے ٹیلنٹ کو تلاش کرنے کے پروگرام کا آغاز کرے گا۔