صوبائی دارالحکومت لاہور میں  خصوصی  امتحان 2021کے نتائج کا اعلان کردیا گیا ہے۔

تفصیلات کے مطابق لاہور بورڈ کے زیر اہتمام انٹرمیڈیٹ خصوصی  امتحان 2021کے نتائج کا اعلان کردیا گیا ہے۔

 خصوصی  امتحان میں 16851  امیدوارن نے  شرکت کی جبکہ سالانہ امتحان میں حاصل کئے گئے نمبروں کو ایمپرو کرنے کے لئے  خصوصی امتحان  میں امیدواران شامل ہوئے۔

امتحان میں 14013 امیدواران نے کامیابی حاصل کی اس طرح کامیابی کا تناسب 16.83 رہا۔

واضح رہے کہ نتائج  بورڈ کی ویب سائٹ پر لوڈ کر دیے گئے ہیں جبکہ نتائج 80029 پر میسج کر کے بھی   حاصل کیے جا سکتے ہیں۔

یاد رہے کہ کچھ روز قبل کراچی میں بھی گیارہویں جماعت کے آرٹس گروپ کے امتحانات کے نتائج کا اعلان  کیا گیا تھا۔

  اعلیٰ ثانوی تعلیمی بورڈ کراچی نے گیارہویں جماعت کے آرٹس ریگولر، سائنس جنرل اور خصوصی گروپ  کے سالانہ امتحانات کے نتائج کا اعلان کیا تھا،  آرٹس ریگولر گروپ کے امتحانات میں 24ہزار 284امیدواروں نے رجسٹریشن حاصل کی اور 22ہزار 890امیدوار امتحانات میں شریک ہوئے ۔

چیئرمین انٹربورڈ پروفیسر ڈاکٹر سعید الدین کے مطابق آرٹس ریگولر گروپ امتحانات میں 20ہزار 979  امیدوار 6 پرچوں میں، 1ہزار 592 5 پرچوں میں، 297 4 پرچوں میں اور 22 3 پرچوں میں کامیاب قرار پائے ہیں۔