سائنس وٹیکلنالوجی کی بدولت انسان نے کئی سنگ میل عبور کئے ہیں اور چھوٹے بڑے کئی روبوٹ تیار کئے، لیکن اس کی ہمیشہ سے یہی خواہش رہی ہے کہ وہ انسانوں کی طرح نظر آنے اور کام کرنے والے روبوٹ تیار کرسکے تاکہ اسے نسانوں کی جگہ استعمال کیا جاسکے۔

اسی مناسبت سے امریکی ریاست نیواڈا کے شہر لاس ویگاس میں کنزیومر الیکٹرونکس نمائش کا نعقاد کیا گیا جس میں انسانوں سے مماثلت رکھنے والے روبوٹس پیش کئے گئے۔

اے ایف پی کے مطابق یہ روبوٹ برطانوی کمپنی انجینیئرنگ آرٹس نے تیار کئے ہیں، جس کے بارے میں کمپنی کے ڈائریکٹر مورگین رو کا کہنا ہے ان کا تیارکردہ امیکا نامی یہ روبوٹ چہرے کے بہت واضح اور بہترین تاثرات رکھتا ہے، اور انسانوں کی طرح نظر آتا ہے ان کا مزید کہنا تھا کہ آپ نے اس طرح کے روبوٹ یقیناً فلموں میں ضرور دیکھے ہوں گے جو انسانوں میں گھل مل جاتے اور کام کرتے ہیں۔

یہ بھی پڑھیں: امیکا، سب سے بہترین انسانی تاثرات والا روبوٹ

’’مجھے یقین ہے کہ وہ وقت بھی آجائے گا،‘‘ تاہم مورگین کا یہ بھی کہنا تھا کہ اس میں ابھی کئی سال درکار ہیں یعنی 10  سے 20 سال کا عرصہ مزید ان روبوٹ کو بہتر بنانے اوراس مقام تک لانے میں لگائے جائیں گے جب یہ روبوٹ بغیر کسی خدشے کے ہمارے درمیان چلیں گے اور رہیں گے۔

VIDEO: 🇺🇸 Creepy meets cool in humanoid robots at #CES tech show

Human-like robots are showcased at the Consumer Electronics Show in Las Vegas, Nevada. "We've designed Ameca to be as human-like as possible in movement," says Morgan Roe, from Britain-based Engineered Arts pic.twitter.com/linDdvEKV0

— AFP News Agency (@AFP) January 6, 2022

مورگین نے اس بات سے بھی آگاہ کیا ہے کہ امیکا نامی اس روبوٹ کی کوئی ذات نہیں اور نہ ہی اس کا کوئی مذہب یا سیاسی نظریہ ہے جبکہ اس کی کوئی جنس بھی نہیں ہے۔

مورگین نے امیکا کے بارے میں ایک حیرت انگیز انکشاف بھی کیا ہے کہ اس روبوٹ کی ساخت اور تاثرات میں جان بوجھ کر کچھ خامیاں رکھی گئی ہیں تاکہ وہ حقیقی انسانوں سے قدرے مختلف ںظر آئے کیونکہ لوگ بلکل انسانوں کی طرح کا  کوئی مصنوعی وجود دیکھتے تو ممکن ہے کہ وہ ایک خوف میں مبتلا ہو سکتے تھے، لیکن جب یہ روبوٹ ان سے کچھ الگ تاثرات پیش کر رہا ہے تو ان کی جھجک دور گئی ہے۔