کھانا پکانے کے ایک گرو نے دعویٰ کیا ہے کہ ہم آج تک انڈہ غلط طریقے سے توڑتے آئے ہیں۔

سوشل میڈیا اکاؤنٹ سٹوو اینڈ گارڈن کے ماسٹر شیف مائیک ہیز نے اپنی ویڈیو میں انڈہ توڑنے کے صحیح طریقے کا تذکرہ کرتے ہوئے کھانا پکانے کے تین ہیکس کا انکشاف کیا۔

ٹک ٹاک ویڈیو میں ان کا کہنا تھا کہ “مجھے یقین ہے کہ آپ نے لوگوں کو انڈہ توڑتے ہوئے اور اس کے ساتھ چھلکوں کو گرتے دیکھا ہوگا، اس کی ایک وجہ ہے۔

مائیک نے بتایا کہ اپنے انڈے کو چپٹی سطح پر توڑیں، اس سے انڈے کے ساتھ چھلکے جانے کا امکان بہت کم ہوگا۔”

انہوں نے گوشت پکانے کے بارے میں بھی تجاویز پیش کیں۔

مائیک نے کہا کہ آپ مصالحے کو ایک پیالے میں ڈالیں اور اضافی ذائقہ کے لیے اجزاء کو پیسیں نہیں بلکہ کوٹیں۔

اسی طرح اگر اسٹیک بنا رہے ہیں تو مصالحے کو گوشت پر ڈالنے کے بجائے گوشت کو مصالحے والے پیالے یا برتن میں ڈالیں۔

مائیک نے کہا کہ لوگ اسٹیک بناتے وقت گوشت کے اوپر مصالحہ رگڑتے ہیں، پھر اسے پلٹ کر دوسری طرف مصالحہ لگاتے ہیں۔ اس سے سوائے جگہ گندی ہونے کے اور کچھ نہیں ہوتا۔

تیسرا مشورہ یہ ہے کہ کھانے کے تمام کچرے کو ایک جگہ پر رکھنا بہتر ہے، اس سے آپ کے کھانا پکانے کی جگہ صاف رہتی ہے۔